Mizoram kutah taekwondo gold 2

Tun, September ni 20-22, 2024 chhunga Nashik Maharashtra-a Taekwondo Champion of Champions (CoC) khelh zawh takah khan Mizoram aiawh Pansy Rampanzeli leh H. Vanlalfelate’n gold medal an hlawhchhuak a, India tana World Poomsae Taekwondo Championship khel turin Hongkong, China an pan leh dawn a ni.
Mizoram Amateur Taekwondo Association tirha kal Pansy-i gold medal lakna hi under 17 year recognized poomsae individual category a ni.
National Championship hnuhnung bera medal late leh zone hrang hranga inelnaa finalist-te Champion of Champions final round-ah an inel a Pansy hian national junior gold medalist a nih angin CoC final round a lut,
Final round-ah pawh hian an category-a point score sang berin gold medal a la awrh thei chauh a ni.
Pansy hi Exodus School Taekwondo Club atanga zirchhuak niin, Chaltlangah an khawsa mek a ni.
Armed Veng South tlangval H. Vanlalfela ve thung hian Senior Poomsae Individual Freestyle-ah a vawikhatna’n gold a la a, India aiawh tur a thlan a ni bawk.
Gidae Taekwondo Club player leh club enkawltu zingah mi Fela hian National Senior Poomsae Championship atangin Champion of Champions final round hi a qualify a, gold medal a la zui ta hial a ni.
An pahnih rual hian CRPF aiawha khel Mizo nula Ruthi Zainunsiami, Ramhlun Venglai pawh a khelhna category Senior Over 30 yrs Recognised Poomsae-ah CRPF team-in gold an lak avangin Hongkong khuaa India aiawh tur zingah a tel bawk.
Mizoram team hian vawiinah Aizawl an lut ang.