Mizoram mi ngei chauh two wheeler taxi-a eizawn an duh
Aizawl Two Wheeler Taxi Association chuan Mizoram mi ngei chauhin two wheeler taxi neia khalh an duh a. Chutiang ni lo an awm chuan an indapchhuak dawn tih an sawi.
Aizawl Two Wheeler Taxi Association (ATTA) thuchhuak chuan, kumina general assemby-a an thurel tawh bawhzuiin, two wheeler taxi khalha eizawnnaah ram leilungfa ni lo, hnamdang leh ramdang mi, voters ID leh Aadhar card pawh neiloten an telpui chu an duh loa, India khua tui zingah pawh hnamdang ILP nei chu ILP-in a phut ang ni loa two wheeler taxi khalh an awm a nih chuan thuneitute hnenah thlen zel an tum tih a sawi.
‘Mipui pawhin ram leilungfaten kan chanvo kan humhimnaah min thlawpna kan ngen a, nakin zela kan ram tan a ni tih min hriatsak a, ram leilungfa ni lo hetiang eizawnna kalpuia hlawkna lo tel kan hriat chuan a ranglama thuneitute hnenah emaw ATTA hruaitute hnenah emaw hriattir turin kan inngen a ni,’ a ti.
Two wheeler taxi neitute chu an taxi khalhtu atan ram leilungfa ngei khalhtir turin a ngen tih a sawi a. Lirthei tihral tumten an lirthei tihral turte an mi hriatchian ram leilungfate hnenah ngei tiral tur leh hnamdang hriatchian loh hnena lirthei tiral lo turin an ngen tih ATTA hian a sawi bawk.
Mizoram mi ngei chauh two wheeler taxi-a eizawn an duh
Get real time updates directly on you device, subscribe now.