Mizoram Open Athletics Meet 2024

Ruahman lawk angin Mizoram Athletic Association (MAA) buatsaih ni thum awh Mizoram Open Athletics Meet vawi 31-na chu nimin, September ni 24, Thawhlehni atang khan Rajiv Gandhi Stadium, Mualpuiah tan tur a ni a, naktuk hian a tiak ang.
Tarlan tawh angin, infiammi 114 zet telna he meet-ah hian inelna chi hrang hrang – 100m, 200m, 2000m, 400m, 5000m, 1500m, 10000m, 4x100m relay, long jump, high jump, triple jump, shot put, discuss throw leh javelin throw hmangin intihsiak a ni.
Nimin khan 100m heat men & women, 1500m final men & women, long jump final men, high jump final women, high jump final men leh 100m final men & women zawh niin, chawhnu inelna bik hi College Veng Fiel-ah nghah a ni
Result hriat theih chinah 100m heat mipa inelnaah Let Jakai Lenthang (10.88sec) chu pakhatna niin, Mizoram record thar a siam a; hmeichhia inelna lamah Elisian Medai (13.67sec) chu pakhatna niin, Mizoram record thar a siam ve nghal bawk.
1500m mipa intlansiakah K. Lalhriatpuia (4.31.49min) chu pakhatna a ni a; heti zat bawka thui hmeichhia inelnaah Ramdinmawii Chhangte leh H. Ngohlaso (5.35.77min) chu pakhatna an ni dun ve bawk.
Long jump mipa inelnaah Vanlalremruatpuia (6.31m) chu pakhatna a ni.
High jump hmeichhia intihsiakah Laldanfeli (1.47m) chuan gold medal a awrh ve thung.