Mizoram paltlang kuhva phur man

August 5 khan Aizawl atanga Tripura lam pan, Myanmar atanga dan loa lakluh nia hriat kuhva ro phurtu truck MZ-04 A 5668 leh MZ-04 A 5394 chu Tripura ram chhungah man an ni.
Thudawn danin, heng truck pahnih hi Tripura state chhung North Chhimluang khawchhungah kawng chhia avangin an tang a, he khuaa cheng Bru mipui chuan rinhlelin an enfiah a, dan loa lakluh kuhva phur an nih ringin an man a, truck khalhtu driver-te hi an tlanbo nia sawi a ni.
Heng truck pahnih bakah hian an thurualpui ni ngeia hriat pik up truck, MZ-04 A 4994 pakhat man tel a ni a. Hei hi chu kuhva phurtu truck ten kawng laka harsatna an tawh thula an mamawh tur chi hrang hrang nia ngaih, truck ke thar thlengin a phur tel nia sawi a ni.
Heng lirtheite hi Bru mipui hian Tripura Police kutah an hlan a ni.