Mizoram PHC zingah Bilkhawthlir
PHC-in NQAS-ah score sang ber
Bilkhawthlir Primary Health Centre (PHC) chuan National Quality Assurance Standard (NQAS) in sawrkar damdawi in tithate hnena a pek thin NQAS national certification a dawn chu Inrinni khan an lawm a. Kolasib district senior chief medical officer Dr RK Lalthlamuana leh Bilkhawthlir BDO Samuel Lalmalsawma Sailo ten an hmanpui bawk a ni.
CMO chuan Kolasib district-ah PHC 5 a awm mek a, national level certified turin (point) 70 hmuh kai a ngaih laiin Bilkhawthlir PHC hian 90 chuang a hmu tih a sawi.
NQAS-in a tum ber chu, sawrkar damdawi inah damloten enkawlna tha leh dik thei ang ber hman a ni a. Damloten enkawlna dik leh tha thei ang ber an dawn a, fai bakah thianghlimna tel, mipui tana rintlak leh rinngam damdawi in neih theihna tura ruahman niin, India ram puma sawrkar damdawi inte tan thil tha zawk leh hmasawnna tura duan a ni. Sawrkar laipuiin hriselna lam ngaihtuahtu tura a din – NHSRC (National Health Systems Resource Centre) in tehfung a duan hmangin India ram pumah endik thin a ni a. Hei hi intihsiak niloin, ram puma sawrkar damdawi in tan thil tha zawk leh hmasawnna tura duan a ni.
ilkhawthlir PHC hian kumin March 28 & 29 2025 khan national level NQAS assessment a hmachhawn a. National assessor challang tak takten endikin, assessment result hi April 11 khan tih chhuah a ni. Bilkhawthlir PHC hian Kolasib district-a national quality certified hmasa ber ni turin 94.95% a score a. Hei hi Mizorama PHC level-ah chuan score sang ber record a ni rih. Tun dinhmunah Mizoramah NQAS national certification nei damdawi in 16 – PHC 9, District Hospital 5, UPHC 2 an awm.
Mizoram PHC zingah Bilkhawthlir PHC-in NQAS-ah score sang ber
Get real time updates directly on you device, subscribe now.
Next Post