Mizoram ramngaw kiamna 0.88%

Forest Survey of India-in kum hnih dana report a siam \hin, India State of Forest Report (ISFR) 2021-a tarlan a nih dan chuan, Mizoramin kum hnih chhunga ramngaw a hloh zat chu 0.88% a ni.
ISFR 2019-ah khan Mizoram ‘forest & tree cover’ chu 18,446.51 sqkm a ni a. ISFR 2021-ah chuan forest hi 18,264sqkm a ni ve thung a, forest a kiamna hi 182.51sqkm a ni.
Mizoram ramngaw hi chi thumah \hen niin, ramngaw dur (very dense forest) chin hi sqkm 156.79 a awm mek a. Ramngaw pangngai (moderately dense forest) chin chu 5715.24 sqkm a awm a. Ram hringin a khuh chin (open forest) hi 11947.97 sqkm a awm bawk a.
Mizoram state pumpuia heng forest chi thum ten a khuh chin zau zawng hi 84.53% a ni a,ISFR 2019-ah khan 85.41% a ni a, a inthlauhna hi 0.88% a ni.
India ram pum huapa forest-in a khuh chin zau zawng hi 21.71% a ni a, per capita Forest & Tree Cover (Ha) chu 1.67 a ni.