Mizoram sawrkar khinna court case 4002

Mizoram sawrkar khinna court case 4002
Tunah hian Mizoram sawrkar khinna court case 4002 a awm mek a, National Green Tribunal case a la awm bawk.
He thu hi Ningania chief minister Lalduhoma hoa Law & Judicial department hotuten an hnathawh an thlirletnaah hei hi sawi a ni a. He department hi Mizoram sawrkar hnuaia sawrkar department-ten court case an neih zawng zawng endiktu a ni.
January 2024 atanga August 2025 inkarah parawise comment vet neih tawh zat chu 566 a ni a; legislation leh cabinet memo kaihhnawiha vet tawh zat 386 a ni. Department hrang hranga legal advice a pek tawh 162 niin MoU/MoA a vet sak tawh zat chu 173 a ni.
India ram criminal law tharin a phut angin Directorate of Public Prosecutors din tura hma lak mek a ni.
June 2024 khan a vawikhatna atan Central Administrative Tribunal Mizoramah an rawn thut thu, Mizoram pumah Registrar of Marriages 735 an awm mek thu, kumin September 19 khan Mizorama a hmasa ber atan Serchhip District Court-ah Additional District & Sessions judge Circuit Court hawn a nih thu te sawi a ni bawk.
Law & Judicial department hnuaiah hian advocate general Aizawl Bench, advocate general Principal Bench, govt. advocate /public prosecutor Aizawl leh district hrang hrang, registrar general of Marriages, Fast Track Special Court (CSS) leh Mizoram State Legal Services Authority an awm. High Court leh District Court-te nodal department a ni bawk.