Mizoram Sport Conclave

Mizoram a vawi khat nan June ni 13-14, 2024 chhung hian Baptist Centre, Falkland-ah neih a ni dawn a. He hunah hian India ram leh state danga infiamna lama mi pawimawh leh thil ti thei tak takte pungkhawm in, inrawnkhawmna lian neih a ni dawn.
Mizoram Sports Conclave hi National level sports intawhkhawmnaniin, Olympics 2036 a Mizo infiammi tam thei ang berin Olympic medal an awrhtheihnaturainbuatsaihnahmasa a ni. Sport Conclave-ah hian India leh Mizoram in Olympic a medal lak a beisei sanna zual chhui bing a ni ang a. Olympic 2036 atan insawrbingna tur sport items thlan fel a ni ang a. Chung infiamna hrang hrangah chuan nasa zawkin tan lak zui a ni ang. India ram state zingah Mizoram hi Olympics 2036 vision nei a National level Sports Conclave buatsaih hmasa ber a ni.
Sport Conclave hmang tur hian India rama mi pawimawh tak tak; Director General (SAI), CEO (Indian Olympic Association), Secretary (Ministry of Youth Affairs and Sports) leh Secretary (Services Sports Control Board (SSCB) te tel thei tura ngaih an ni a. An ni bakah hian North East State pathum; Assam, Manipur leh Meghalaya Sports Minister te tel tura beisei an ni bawk.
Infiamna lamah mi pawimawh tak takte tel tura beisei an nih bakah hian Company lian, infiamna lama sum leh pai seng nasa; Tata Trusts, Reliance Foundation Sports, Tata Steel leh Inspire Institute of Sports hotute pawh an tel thei dawn bawk. Sport ziaktu lar, Association hruaitu hrang hrangte tel tura beisei an nih bakah Mizo Olympian C. Lalremsanga leh Lalremsiamite tel tura beisei an ni bawk.
Mizoram Sports Conclave atan hian Scheme of Human Resources Development in Sports (HRDS) atangin Rs. 68,80,500/ hmuh a ni a. Sport Conclave hi kum dangah pawh lian leh huam zau zawka neih chhunzawm zel tum a ni.