Mizoram State Muaythai Championship

March ni 17 atanga ni 22, 2026 thlenga khelh 22nd Mizoram State Muaythai Championship 2026 chu MizBA Boxing Hall, Ramhlun Sports Complex-ah Prof. Dibakar Chandra Deka, Vice Chancellor, Mizoram University chuan March ni 22 khan a khar fel ta.
VC Deka chuan muaythai game hi University Games lamah Muaythai Association of Mizoram ngenna siam angin chawisan (promote) a nih theihna’n theihtawp chhuahsak a tum thu a sawi.
He inelna zawh fel takah hian fighter 119 zet chhuamin, official 15-te’n hneh takin bout tin an vil a; Aizawl pawn atangin khaw pasarih an inlan thei a; Aizawl khaw chhung atangin club leh GYM leh training centre sawm pali an tel bawk.
He championship-ah hian team champion chu Main Training Centre (MTC), Edenthar, Aizawl an ni a; 1st runners-up hi SPES GYM / Dawrpui Contact Sports niin, 2nd runners-up lamah CT Academy, Tanhril an rawn inhlangkai bawk.
Vairengte Muaythai Club chuan Best Dicipline Trophy an dawng thung.
He championship atanga fighter tha mipa leh hmeichhia an thlanchhuahte chu: Male best fighter atan Benjamin C. Lalrempuia (SPES GYM / Dawrpui Contact Sports) niin, Female best fighter chu Remtluangpuii, CT Academy (Tanhril) a ni.
A pumpuia club titha pathumte lawmman lak dan dinhmun:

Pos. Club G S B

1. MTC 19 9 3
2. Spes 10 9 1
3. CT Academy 10 4 3