Mizoram taekwondo team fehchhuak

August ni 2-4, 2024 chhunga Visakapatnam-a khelh tur 7th National Cadet Taekwondo Championship hmachhawn turin Mizoram aiawh mi 14 chuan nimin khan Aizawl an chhuahsan.
Mizoram Team thlahna inkhawm hi MATA Hall, Republic Vengthlangah buatsaih niin, inkhawm hi MATA General Secretary Joseph Thansanga’n a kaihruai a; fuihna thu leh team thuamhnaw hlanna hun chu MATA Chief Technical Director VL Sawma chanpual niin, Moses Lalsangzuala’n tawngtainain team a thlah.
Mizoram aiawhtute hi Kyorugi (fight) khel tur mi pariat leh Poomsae (form) khel tur mi pali an ni a; thla khat chhung ngawrh takin MATA Hall-a inbuatsaihna an neihpui hnuah coach Lalthlamuanpuia leh manager Doris Lalhmangaihzualite’n an hruai a ni.
Mizoram aiawh hian national referee Lalinpuia pawhin championship inkhel a endik bawk ang.