Mizorama dan loa khaw din cabinet-in a ngaihtuah dawn

Mizorama dan loa khaw din
cabinet-in a ngaihtuah dawn
Mizoram-a dan loa khaw din awm mek chu cabinet thukhawmin a ngaihtuah dawn tih chief minister Lalduhoma chuan a sawi.
Mizo Students’ Union hruaitute chuan Thawhlehni khan chief minister hi an hmu a, Mizorama dan loa khaw din an zirchian chin an report bakah zirna kaihhnawih hrang hrang an thlen.
Dan loa khaw din chungchanga MSU hmalakna tha a tih thu a lo sawi a. Cabinet thutkhawmah an ngaihtuah tur thu sawiin, khaw sat thar an awmin fimkhur a ngai tih a sawi a ni.
MSU Gen. Hqrs. hian casual teacher-te dinhmun (job security), higher secondary school leh college zirtirtu nghet (direct recruitment) lak chungchang, Mizoram sawrkar registered school grade system siam leh cess atanga education sector-in a chan tur an sawipui a. A theih anga a bawhzui tur thu leh sawrkarin hma a lak thu a sawi.
Heng bakah hian college study tour fund tihpun lama hma an lak mekna leh hnam dang Mizo hming hawha dawrkaite chungchang an sawipui a. Mizo hming hawha hnam dang sumdawngte an ngaimawh thu leh ILP nei lo leh overstay chungchangah pawh sawrkarin hma a lak mek chief minister hian a lo hrilh a ni.