Mizoramah ruihhlo chi thar crystal meth

Mizoram hi ruihhlo tawlhrukna kawng a ni a, khawchhak lam atanga khawthlang lama pek tur ruihhlo an tawlhna kawng a ni. Hei vang hian ruihhlo man tur a awm reng a, tun hnaiah a chi thar crystal meth man thu hriat tur a awm ta fo mai.
February ni 17-ah khan Mizoram Excise & Narcotics (MEN) department-in Aizawlah crystal meth hi kg 1.30 an man a, hei hi crystal meth an man hmasak ber a ni. March ni 6-ah Aizawlah bawk crystal meth hi Kg 48.061 an man leh.
Crystal meth hi ruihhlo hlauhawm methamphetamine chhuak thar a ni a, methamphetamine chu meth tia sawi niin, a chhuak thar pawh crystal meth tia sawi a ni.
Meth lakah hian Mizoram a la him nia ngaih a ni a, crystal meth lakah pawh Mizoram hi a la him nia ngaih a ni.
Mizoram Police-in 2023-ah crystal meth hi an man tan a, an man hmasak ber kumah hian kg 49.005 an man a, 2024-ah khan kg 35.155 an man. Kuminah March ni 20 thleng khan kg 5.169 an man tawh.
MEN department leh police te’n crystal meth hi man tur awm mah se Mizoramah he ruihhlo hlauhawm ti thin an la awm lovah an ngai a, Mizorama an mante pawh hi hmun danga mi tur a lo ni zel.
March ni 6-a MEN department-in kg 48.061 an man pawh kha Delhi-a mi tur a lo ni a, Delhi-a he ruihhlo lo dawngtu tur pawh Delhi-ah an zu man a ni.
“Mizoram meth leh crystal meth lakah hian kan la himah kan ngai a, mahse tan a ngai. Mizoramah a rawn lut hnem ang tih hi a hlauhawm,” MEN department hotu pakhat chuan a ti a, meth aiin crystal meth hi tawlhruk a awl zawk nia a lan thu sawiin, Mizoram paltlangin an tawlh nasa ang tih a hlauhawm thu a sawi.
Crystal meth hi a to em em mai a, police te’n 2023 leh 2024-a an man pawh kha Rs 2,52,48,00,000 man tura chhut a ni. A hlauhawm bakah a man a to em avang hian a tiha tih chi miah loh a nih thu MEN department hotute chuan an sawi.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Cum să îngrijești corect roșiile în luna iulie: impactul asupra Potențialele efecte ale furtunilor solare asupra inimii - un Secretele recoltării de ceapă în vara anului 2025: