Mizoramah zirtirtu indaih Zirtirtu pakhatin zirlai 12 zel zirtir

Mizorama zirna in hrang hranga zirlai leh zirtirtu awm zat a\anga chhutin, zirlai leh zirtirtu inbitum dan ratio chu 12:1 a ni. Chumi awmzia chu, chawhrualin zirtirtu pakhatin zirlai 12 zel a enkawl a; zirlai 12-in zirtirtu pakhat zel an in\awm tihna a ni bawk.
National Education Policy (NEP) 2020-in zirlai leh zirtirtu inbitum dan tur Pupil-Teacher Ratio (PTR) a bituk chu 30:1 a ni a; zirtirtu pakhatin zirlai 30 a enkawl tur, tih a ni a; hmun kilkhawr leh khawsak harsat zual deuhnaah chuan PTR hi 25:1 hman tur, tih a ni bawk.
NEP-in zirlai leh zirtirtu inbitum dan tur a bituk 30:1 a nih laiin, PTR chanve aia hniam zawk daihin Mizoram chuan zirna a kalpui thei a, hneh takin zirtirtuten zirlai an zirtir thei, tihna a ni.
Directorate of School Education report-in a tarlan danin, kum 2022-a Mizorama primary school a\anga higher secondary school thlenga zirlai awm zat chu 2,70,113 niin, zirtirtu 22,671 an awm bawk.
Primary school hi state sawrkar enkawl bik 793 awmin zirlai 35,421 leh zirtirtu 3,042 an awm a; PTR chu 12:1 a ni. State sawrkar enkawl ni lo, heng central school, SSA, Deficit, Private Aided leh Private Unaided (Society/Church/Community etc) te hi ‘Others’ tia dahin hemi hnuaiah hian primary school 1142, zirlai 78,228 leh zirtirtu 4,810 awmin PTR chu 16:1 a ni.
Middle (Upper Primary) school chinah sawrkar sikul 565 awmin zirlai 28,771 leh zirtirtu 3845 an awm a; PTR chu 7:1 a ni. Others hnuaiah middle school 954 awmin, zirlai 63,875 leh zirtirtu 5,175 an awm a, PTR chu 12:1 a ni.
High school-ah chuan sawrkar sikul 199, zirlai 13,082 leh zirtirtu 1,252 an awm a, PTR chu 10:1 a ni. Others hnuaiah high school 476. zirlai 25,892 leh zirtirtu 2,870 an awm a; PTR chu 9:1 a ni.
Higher secondary school-ah chuan sawrkar sikul 21, zirlai 8701 leh zirtirtu 511 an awm a; PTR chu 17:1 a ni. Others hnuaiah HSS hi 143, zirlai 16143 leh zirtirtu 1166 an awm a; PTR chu 14:1 a ni.