Mizote kutah gold leh bronze

Mizote kutah gold leh bronze
January ni 18-22, 2026 chunga Jaipur, Rajasthan-a khelh zawh tak phaituala taekwondo inelna lian zinga mi 2nd Federation Cup-ah Vanlalthlamuanpuii, Zemabawk chuan gold medal lain, Chanmari West nula Ramdingliani’n senior category-ah bronze medal a hlawhchhuak ve bawk.
Junior under 55 kg huanga gold awhtu Nupuii hian a game hmasa berah Tamil Nadu aiawh chu 14-2, 2-0-in a hneh a; a match hnihnaah Kerala player chu harsatna awm lo 12-0, 9-3-in a paltlang a; quater-final bout-ah a thlengtu Rajasthan aiawh nen semi-final luh inchuhin an innuai a, Mizo fighter hian 14-0, 9-2 hnehna changin, semi-final-ah Maharasthra player chu 10-5, 16-2-a hneh lehin, final-ah 5-3, 3-1-in Haryana player hnehin a champion ta a ni.
Nupuii hi kumin April ni 12-17 chhunga Uzbekistan khawpui Tashkent-a nghah tur Junior World Taekwondo Championships-ah India aiawh tur zawnna selection-ah a inlan thei dawn a, India tana khawvel puam huap inelna lian hmachhawn thei dinhmunah ding chho ta hial a ni.
Senior under 53 Kg huanga bronze medal latu Rami ve thungin inkhel hah loin a match hmasaber a paltlang phawt a, a chhan pawh a tum tur Madhya Pradesh player an disqualify vang a ni.
Round of 16 lut chho nghalin Uttar Pradesh player Minakshi chu point gap-in awlsam takin quater-final a lut.
Gujarat aiawh nen semi-final luh an inchuh a, 13-0, 7-2-in Rami a tlang a; last four stage-ah hian India tan pawha lo inlan fo tawh Rishita Rai (Uttar Paradesh) lakah 3-5, 0-7-in a tlawm a, bronz medal a awrh phak avangin Japan-a nghah tur Asian Games 2026-a India aiawih tur zawnna selection khel turin a tling.