MJA-in damdawi in puihna hlan

Mizoram Journalists’ Association chuan Civil Hospital Aizawl leh Zemabawk-a State Cancer Hospital-ah MJA Charity Fund a\angin \anpuina a hlan.
MJA Gen. Hqrs. in kum tin Krismas dawn apiangin mi harsate tanpuina atan Charity Fund an thawhkhawm \hin a, kumin pawh MJA member bakah pawnlam mi \hahnemngaiten sum an thawh khawm a, heta an sum hmuh a\ang hian Civil Hospital Aizawl Poor Fund-ah Rs. 50,000 leh Zemabawk-a Cancer Hospital Poor Fund-ah Rs. 37,370 an hlan.
MJA president C Lalrambuatsaiha chuan, Civil Hospital Aizawl chu Mizoram mipui nawlpui, hmun hrang hranga awm leh khawsak harsa zawkten an pan ber a ni a. He damdawi in pantu mi harsa tak tak chu damdawi ina thawkten damdawi leinate an tumsak \hin tih an hria tih sawiin, chu’ng mi harsate tanpuina atan sum hi hlan an ni tih a sawi. Civil Hospital senior medical superintendent Dr ST Lalruatfela pawhin, MJA nen thawhhona \ha tak nei a, an damdawi in an hriatsak \hin chu lawmawm a tih thu a sawi a, an sum pek chu damlo harsate tan \angkai taka hman a nih tur thu a sawi.
Zemabawk Cancer Hospital-a \anpuina hlannaah nursing superintendent Lalrinpari chuan, an damdawi in chu cancer veite pankhawm a ni a, cancer chu inenkawl a hautak a, damlo zingah khawsak harsa tak tak an awm thin avangin mi inphalte sum thawhkhawm hmanga inenkawl ve tawk tawk an awm tih a sawi. Kumin January atanga November thleng khan Poor Fund-ah Rs.10,06,464 an hmu a, an sum senral erawh Rs. 22,76,623 a tling tih sawiin, MJA-in tanpuina an hlan chu an lawm hle a, damlo engemawzatin tangkai taka an hman tur thu a sawi a ni.