MJA President-in “Luah Loh Lung Di” music video tlangzarh
Box office-ah ‘One Battle After Another’ a No.1
Paul Thomas Anderson film siam, Leonardo DiCaprio channa ‘One Battle After Another’ chuan tun weekend kalta kan North America-ah cinema hall ticket hralhna atan dollar maktaduai 22.4 a la lut a, North American box office No.1 a ni. He film hian US pawnah dollar maktaduai 26.1 la lut bawkin, a vaiin dollar maktaduai 48.5 a tling.
He film hi box office-ah No.1 ni mah se a dinhmun a tha lo hle a, a film siam nan hian dollar maktaduai 130 an seng a, marketing-ah dollar maktaduai 40 vel an seng bawk a, chutiang khawpa sum sen tamna tan chuan opening weekend-a a lak luh hi a beitham tlat.
He film-ah hian DiCaprio chu tharum lam chawlhsan tawh mah se a hmelma hlun (Sean Penn) in a fanu (Chase Infiniti) a kidnap avangin a thuam famkim nen a rawn thawh chhuah leh tak dan vel tarlanna a ni. He film-ah hian Benicio del Toro, Regina Hall leh Teyana Taylor te pawh an chang.
Film tlangzarh thar Dollhouse: The Movie’-in opening weekend-ah dollar maktaduai 13.7 la lutin, box office No.2-ah a debut. He live-action leh CG animation combination film-ah hian Laila Lockhart Kraner, Gloria Estefan leh Kristen Wiig te pawh an chang. He film siam nan hian dollar maktaduai 32 an seng a, US pawn lam, ram hrang hrang 37 atangin dollar maktaduai 5.6 a la lut bawk a, tihian opening weekend-ah dollar maktaduai 19.3 a la lut.
Demon Slayer: Kimetsu no Yaiba Infinity Castle-in dollar maktaduai 7.1 la lut lehin No.3 a la ni a, he film hian kar thum chhungin US-ah dollar maktaduai 118.1 a la lut ta a, The Conjuring: Last Rite pawhin a weekend vawi linaah dollar maktaduai 6.9 la lut lehin No.4 a la ni a, he film pawh hian kar li chhungin US-ah dollar maktaduai 161.5 a la lut tling tawh a, US pawna a lak luh nen chuan dollar maktaduai 435 a tlin ve tawh bawk.
Box office top 10:
1 One Battle After Another $22,400,000
2 Gabby’s Dollhouse: The Movie $13,700,000
3 Demon Slayer -Kimetsu no Yaiba- The Movie: Infinity Castle $7,100,000
4 The Conjuring: Last Rites $6,860,000
5 The Strangers: Chapter 2 $5,900,000
6 Him $3,650,000
7 The Long Walk $3,400,000
8 Downton Abbey: The Grand Finale $3,300,000
9 They Call Him OG $1,400,000
10 A Big Bold Beautiful Journey $1,250,000