Dampa bialtu MLA Lalrintluanga Sailo chuan Inrinni khan a bial chhunga ruah leh thli vanga chhiatna thlenna hmun hrang hrang a tlawhkual a, khaw hrang hrangah khawtlang hruaituten an lo tawiawm a ni.
Tunhnaia thli leh ruah thawk avang khan Dampa bial chhung, chuanchung lam Aibawk to Darlung inkarah nasa takin lei a min a. PWD hotute sawi danin, kawng thenfai nan hian thlakhat dawn hun hman a tul mai thei a ni. Hetiang bawk hian Reiek to Darlung via Kanghmun lam kawng pawh lei a min nasa a, Kanghmun lam kawng erawh PWD-in Kanghmun thleng an lo thianfai tawh a ni.
Kanghmunah hian Biakthansanga in a chim a, in chim leh mai hlauhawm vangin in panga an thiat bawk. Heng bakah hian Darlungah Lalnunenga in a chim a, Sabualah Laltluangliana in chim bawkin, chen zui tlak loh vanga in thiah ngai 4 a awm a ni.
Sabual lam hi tun dinhmunah engti kawng maha lirtheia luh theih a nih loh avangin damlo, Kanghmun damdawi in pan tur pawh thalai tlawmngaiten km.15 lchu ke in an zawn a ni.
Bialtu MLA chuan chhiatna tuarte a tawrhpui takzet tih hrilhin, sawrkar atanga tih ngaite a lo buaipui sak tur thu a sawi a. A tul apianga hman turin khaw hrang hrangah silpaulin bundle 15 a hnutchhiah a ni.
MLA-in chhiatna thlenna a tlawh
Get real time updates directly on you device, subscribe now.
Prev Post
Next Post