Mnangagwa bawk tling

Zimbabwe President Emmerson Mnangagwa chu a term hnihna chelh turin 52.6% vote hmuin thlan tlin niin electoral commission chuan a sawi.
Mahse, opposition te chuan vote-rigging nasa tak a thleng tia sawiin international observer te pawhin democratic standard pha lo tiin an sawi bawk.
Mnangagwa hi Zimbabwe-in president a neih pahnihna chauh niin kum 2017 a veteran ruler Robert Mugabe paihthlak a nih khan president a hlankai a ni.
Zimbabwean te hian inflation sang, retheihna leh pawi khawihna nasa thleng thei hlauhthawnna nasa tak an nei mek a.
President a nih tirh khan Mnangagwa a hming lema “The Crocodile” tia sawi hian an ramin bung thar kai a tiam a ni.
Mahse Zimbabwe chu khawvela inflation san berna ram zingah tel mekin nikum aia a sanna chu 101.3% vel lai a ni a. Unemployment a nsa bawk a, Zimbabweans 25% velte chauhin hna pangngai an nei tia sawi a ni.
Mnangagwa an human rights guarantee a siam pawh thawrawng mai tia sawi niin Mugabe paihthlak a nih hnuah pawh hmasawnna a awm chuang lo tih a ni bawk a.
Sawiseltute chuan kum 80 a upa Mnangagwa chuan vote thlak hmain opposition te leh lungawilote hmehmih tumin chet a la a, inthlanah pawh chutiang thila chetlakna a neih avang chuan chak tura ngaihsa tiin an sawi bawk.
Zimbabwe Electoral Commission (ZEC) chuan Mnangagwa elpui ber Citizens’ Coalition for Change (CCC) candidate Nelson Chamisa chuan 44% vote a hmu tiin an sawi.
ZEC-te chuan Mnangagw-a chuan vote 2.3 million a hmuh laiin Chamisa chuan 1.9 million a hmu an ti a, vote tla 16 million awmin chu chu population atanga chhutin 69% tiin an sawi bawk.
Opposition ten vote chu tihchingpen leh fel fai lo an tih laiin constitutional court erawhin result chu a dinchantir thung a.
CCC thupuangtu chuan an party chuan finfiahna mumal tak nena kalpui ni lo inthlan result tinte chu an pawm lo tiin a sawi a. CCC te chuan vote final tally-ah an pawm theih loh avangin hming an ziah hnan ve duh lo tiin a sawi bawk.
EU, Commonwealth leh ram sawm paruk awmna Southern African Development Community (SADC) te chuan thl felhlel tam tak a awm tia sawiin chung zingah chuan opposition rally te khap a ni a, electoral register ah thil fel lo a awm bawk a, state media coverage leh voter intimidation-ah pawh thil fel lo a awm, an ti.
Inthlan hma zawng chuan thil duhawm lo em em a awm lo chungin CCC member te chuan an party tihchak loh nan dawt hmanga beiha thubuai siamak an nih thu an sawi a. Police te chuan July thla atang khan meeting an neih tum tum 100 an khap sak tiin an sawi bawk.
Tun thla tir lam pawh khan CCC member 40 te a zinga parliamentary candidate te pawh telna chu capital Harare a an campaign khapsak an ni bawk. Tun hnai lawkah CCC thlawptu pakhat langsar tak chu Mnangagawa a Zanu-PF party te chuan an that tia sawi a ni bawk.
Zimbabwe-ah hian president chu sawisel phal loh niin sawisela man te chu lung inah kum khat khung theih an ni a. Kumin April khan Harare ah mi pakhat chuan inthlan neih turah Mnangagwa a chak lo ang a tih police officer in a sawi a hriat avangin mana lung in a khung nghal a ni.
Kum 1980 chhova Zimbabawe a civil war chhuaka Mugabe kaihhruai Zanu party leh Zapu party, Joshua Nkomo kaihhruai aindona chhuah laia a chet dan avangin Mnangagwa chu ‘Tha Crocodile’ tia a hming lem vuahsak a ni a.
Khatih lai khan Mnangagwa chu Central Intelligence Organisation (CIO) enkawltu niin Zapu party te chu Army hmangin a hmetmit tia sawi a ni a. Civilian sang telin nunna an chan phah a ni.
Zimbabwe President a Emmerson Mnangagwa thlan tlin a nih leh tak hian Zimbabwe-ah chuan Zanu-PF ten kum 43 rorelna an lekkawhta tihna niin kum 1980 khan British atangin an indang a ni.