MNF-in an policy leh
programme tur duang
MNF Policy & Programme Board chu a vawi 3-na atan Nilaini khan an thukhawm a. Thalaite hnathawh tur siamsak leh hna thawk thei tura thiamna neia thalai chher dan tur chu an thu sawiho zinga langsar ber a ni.
He Board chairman, MNF senior vice president Dr R Lalthangliana chuan sawrkarna siam leh tura inbuatsaihna ngawrh taka an kalpui mekah Zoram mipui tana innghahna tlak policy leh programme, a taka kalpui theih tur duan chhuah a tul tih a sawi a ni.
Mipui nawlpui damloh nikhuaa an inenkawlna, healthcare scheme mumal zawka duan dan sawiho a ni a. ZPM sawrkarin Mizoram Universal Health Care Scheme a kalpui mekah ruahmanna fel lo tam tak a awm a ni, tiin, miretheite tawrhna thleng mek, private hospital inbiakrem pui hmasak loh avanga damloten an tawrh dan leh sawrkar damdawi ina khum chang lo, private hospital ban phak si lo, manganna tawk damlo tam tak an awm tih sawi a ni.
Mizo thalaite tana hnathawh tur tam zawk siam belh leh, hna thawk theia thiamna neia thalai chher dan sawiho a ni a. Hemi lamah hian policy tha leh rintlak duang chhuak ngei turin fimkhur leh uluk taka zirchian nise an ti.
MNF Policy & Programme Board-ah hian MP, MLA, ex MLA, dan hremite leh kawng hrang hranga thiamna bik leh tawnhriat neite an tel a ni.
MNF-in an policy leh programme tur duang
Get real time updates directly on you device, subscribe now.