MNF party chuan Lok Sabha member atana thlantlin tak ZPM candidate Pu Richard Vanlalhmangaiha thlantlin a ni chu an lawmpui tih an sawi.
MNF Gen. Hqrs. thuchhuak chuan, Mizoram, hnam leh kan sakhaw humhim nana chak taka thawk tur leh, India ram rorelna sang berah pawh huaisen taka au a, theihtawp chhuaha hna thawk turin MP thar chu duhsakna an hlan tih a sawi a. Chutihrualin MNF candidate Pu K Vanlalvena a tlingzo ta lo chu pawi a tiin, ram leh hnam leh kan sakhaw humhimnana huaisen taka theihtawp a chhuah tawhna avangin, a hna chhunzawm tura duhsak taka thlangtu leh atana theihtawp chhuahtute chungah an lawm hle tih a sawi a ni.
Inthlan leh vote chhiar thlenga rim tak leh thahnemngai taka thawktute leh a tul ang ang buaipuitu tlawmngai pawlte chungah pawh lawmthu an sawi tih MNF hian a sawi bawk.
‘Mipuiin zalen taka vote hmanga duhthlanna kan lantir lai a, zalen taka kan khawsak theih nana rim taka venhim hna thawk thintu police 1047-ten an duhthlanna an lantir ve thei ta lo erawh pawi kan ti a. Hetiang hi thleng nawn tawh lo se kan duh takzet,’ a ti.
MNF-in MP tling ta lawmpui
Get real time updates directly on you device, subscribe now.
Next Post