MNF LC rin ngam thu sawi

Minister B Lalchhanzova chuan ration card siamthat mekah MNF local council an ni emaw, tu pawh an ring ngam tih a sawi.
FCS&CA minister chuan sawrkar hmasa lama National Food Security Committee an din tawh chu pakhatmah ti danglam loin hma an la mek a, chuta buaipuitu tam ber, zaa 90 chuang chu MNF local council an ni, tiin, “Mi tam tak chuan local council thlan a nih hnuah ennnawn chauh awm an ti hlawm a. Mah se, kalphung tharah chuan MNF local council pawh nise kan ring ngam a, an harhthar ve turah pawh kan ngai,” a ti.
Chief minister hmalaknain non-NFSA hnuaia an luh belh theih nan Union minister Pralhad Joshi pawh a zuk hmu tawh a, lo nghak tura a tih angin, beiseina sang tak an nei tih Supply minister hian a sawi a ni.
Mualkhang Botling Plan tharthawh leh tumnaah a hungna atan cheng vaibelchhe 23 tender chhuah a ni tawh a, IOCL lamin land development atan tender chhuah leh thuai an tum tih a sawi. IOCL oil depot pawh chak taka hma lak niin, HPCL-in oil depot turin Vairengte lamah chet lak an tum mek tih a sawi bawk.