MNF leh Congress-ah bial li leh bial hnih la awl

Kum tawpa inthlanpui lo awm tura party liante can
didate tur a chiang mek a, MNF leh Congress atanga ding tur hriat kim a la ni lo tih chauh a ni.
Tuna a lan dan chuan, MNF-ah bial hnih a la awl a, Congress party-ah bial li a la awl.
MLA 27 nei sa MNF hian bial awl an neihah 11 chu an tifel tawhah a ngaih theih a, Chalfilh bial leh Aizawl South II-a ding tur an la tifel lo.
Chalfilh hi Lalrinliana Sailo, speaker bial a ni a, Congress leh ZPM chuan he biala ding tur hi an tifel tawh.
Congress candidate tur pawh a tam zawk chu a hriat tawh a, bial li a la awl tiin a sawi theih; Palak, Tuichawng, Mamit leh Aizawl South I-a ding tur an la tifel lo.
Aizawl South I hi an president Lalsawta dinna tura ngaih a nih hnuah ani hi a awmna bial Aizawl West III-a ding tura tih a nih tak thut avangin Aizawl South I hi a awl ta rih a, mahse ding tura ngaih chu an awm tih thu dawn a ni. An la tihfel loh bial dang Palak hi MLA an neih mekna a ni a, mahse an MLA hi MNF-ah a insawn dawn tih a chiang tawh. An MLA a insawn dawn avanga he bial hi awl a ni a, hming lang, ding tura ngaih chu an awm.
An la tihfel loh Tuichawng bial hi Congress that thinna a ni a, inthlan hnuhnung bera BJP laka an hloh niin, MLA ni lai Dr BD Chakma chuan din a tum loh thu a sawi chiang tawh.