MNF Thalai intih nun tum

MNF Thalai intih nun tum
MNF Thalai Block leh Unit nung tha tak a awm vek theihnan hma an la mek tih an president Robert Romawia Royte chuan a sawi.
Thawhlehni khan MNF Thalai Hqrs. chuan refresher’s training an nei a. An president, MLA Robert Romawia Royte leh MNF Gen Hqrs general secretary, advocate J Malsawmzuala Vanchhawng ten an hmanpui. Hachhek bial atangin Block hruaitu mi 15-in an chhim ve bawk.
MNF Thalai president chuan political party-te inbeihna leh campaign-na platform pawimawh chu social media a ni a, party dangte’n social media-ah MNF chu thu dik lo leh dawtin nasa takin an bei thin tih a sawi. MNF Thalai chu Mizoram pumah Block leh Unit nung tha tak a awm vek theihnan hma an la mek niin a sawi bawk.
Advocate J Malsawmzuala chuan kum 1960 chho daih tawh khan Aizawl khawpui chu Vai culture-in a chiah hneh hle a, hnam lian zawkin min chim hneh tawh hle laiin, hnam thlipui, hnam movement lo tlehin, chu chuan kan hnam himna atan rah tha tak a chhuah a, heng zawng zawng hi kan mi hmasate inpekna leh inhlanna rah a ni tiin a sawi.
Thalaite chu kan hnam damna leh himna, Mizo nationalism thlentirtu mi hmasate hnung zui a, an thil tum leh hmachhawp bawhzui tur an ni tih a sawi a ni.