Mobile phone hman man tisang ang

India rama mobile phone bill chu tuna plan awmsa aiin 15% atanga 25% thlenga tihsan a ni dawn a, hei hi telcos tena tariff revision an neih vang a ni. Revenue a pun chuan mobile operator te chuan consumption sang zel leh video content siam tihpun theih zual nan network load capacity tilianin 5G station an tipung thei dawn thung a. Industry expert te chuan bill man tihsanin telcos te chuan average revenue per user (ARPU) chu 10% atanga 15% velin a san phah rin a ni.
Q3 2024 khan Bharti Airtel te chuan user pakhat zel atangin average revenue Rs 208 an hmu a, Reliance Jio te chuan Rs 181 hmu thungin Vodafone Idea (Vi) te chuan Rs 145 an hmu thung.
Bharati Airtel’s MD, Gopal Vittal chuan, “Tariff tihsan a nih loh chuan hmasawnna tak tak a awm thei lo. Tariff repair chu eng hunah nge a thlen ang tih zawk a pawimawh” tiin a lo sawi tawh. Airtel te hian ARPU Rs 250 vel an inbeisei a ni.
Mobile tariff plan 12% atanga 15% a tihsan a nih chuan household telecom expenditure chu thlatin a sanbelh lo thei dawn lo bawk a.
Telecom operator tena tariff plan an tihsan hnuhnun ber chu December 2021 khan a ni a. Khami tum khat base plan Rs 99 chu Rs 155 ah Airtel te chuan tisangin telco dangte pawhin an tisang zui chho nghal a ni.
“Tariff tihsan a nih leh hmel a, tariff tihsan hi 15%-25% velah ni tura ngaih niin data consumption sang leh user tena bundled packages/data plan an tihsan vangin ARPU chu telcos te tan 10-15% velah a san phah theih beisei a ni” tiin Aditya Khaitan, Partner, Consulting Deloitte India chuan a sawi.
ARPU sang chuan loh theih lohin telecom sector te financial stability a ti tha dawn a ti bawk a. Khaitan chuan tariff tihsan avangin customer te service provider te lakah an phun phah chuang lovang a ti bawk.
“Customer te hian quality telecommunication services tha an duh zia an tilang fo tawh zawk” tiin a sawi bawk.
Customer te chuan 4G kalsanin 5G an pan hlawm zel a. 5G hmangin video content tam zawk siam niin data consumption pawh a sang zawk ngei tawh bawk a, chu chuan telecom infrastructure-ah harsatna a siam thung a. Infrastructure titha tur chuan telcos ten tariff revision an kalpui ngei ngei ngaiin spectrum thar leh technology demand pe turin revenue tam zawk an neih a ngai a ni.
Entirnan, India rama cellular representative body COAI (Cellular Operators Association of India) te chuan OTT platform WhatsApp te ang chu an network a innghat an nih avangin tuna engmah sum sen nei hauh lova an awm chu fee pektir ve ni se tih te ngaihdan a awm bawk.
Telecom players te chuan 5G monetise tumin unlimited data plan-ah cap siam dan an zawng bawk a. Chumi hmang chuan subscriber te chuan 5G plan-ah sum tam zawk an sen a ngai dawn thung a ni.
India hi khawvel huap pawha mobile tariff hniam berna pawl a ni a. Tun dinhmunah Jio network ah 1GB/per day prepaid plan ni 28 dam leh unlimited voice call bakah 100 SMS per day chu Rs 209 man a ni a. 20% belh ni ta se, a san belhna tur chu he pack ah tho hian Rs 41 a ni ang a, Rs 250 man velah a sang chho thei a ni.
Jio te chuan an tariff plan revision an neih tur thu an puang tawh a, July 3 atangin tariff plan thar hman a ni dawn a. Tuna Rs 209 pack chu Rs 249 ah a sang chho dawn a ni. Airtel leh VI te pawhin prepaid leh postpaid user te tan revised tariff plan an siam thar dawn bawk.