Daily Newspaper

Mobile phone vangin presbyopia a pung

30

Doctor te chuan mobile phone leh electronic gadgets dang kan hman nasat tak lutuk avangin kum naupang te te a presbyopia nei an tam phah niin an sawi. Presbyopia chu mit lam natna niin, kum 40 chunglamah a awm deuh ber a, kan mit lens elasticity tlahniam vanga awm a ni.

Doctor te chuan India-a presbyopia emaw long-sightedness emaw nei 65% chu kum 30 vel bawr, electronic gadget hmang nasa, smartphone, tablets leh laptops hmang nasa an niin an sawi.

Centre for Sight (CFS) chairman Mahipal Sachdev chuan, “Presbyopia hi a tlangpui thuin kum 40 vel bawra awm tan thin a ni a, mahse, tunah chuan kum lama naupang zawk zingah ka tam ta hle. Mobile phone hman nasat vang a ni pakhat a, kan mit lens a hah a, a elasticity a hloh chak ta bik thin a, chuvangin thil hnai deuh hmuh fiah te kan harsat phah ta thin,” a ti.

World Health Organisation chuan 2005 khan khawvela mihring tluklehdingawn khat aia tam mah chu an presbyopic niin an sawi a, 2015-ah chuan a let-in an pung hman niin an chhut.

Sachdev chuan, “Survey hrang hrang atangin presbyopia symptoms hrang hrang thil hmuh phe (blurred vision), mit hah (eye strain) emaw lu-na (headaches) te pawh kum naupang deuh, electronic gadgets hrang hrang, mobiles ang te rei tak tak hmang thinah a tam ta hle,” a ti.

Presbyopia chu kum upat vanga mit lam khawhmuh buai deuh thin a ni a, kan mit chhunga lens awmsa chuan kum a lo upat ang zelin a fân theihna a hloh ve tial tial vanga lo awm thin a ni. Mahse, tunah chuan he natna hi mobile phone leh laptop leh electronic gadget dang kan hman nasat tak lutuk avangin kum naupang deuh zingah pawh a tam ta hle a ni.

Delhi-a opthalmic surgeon Ritika Sachdev chuan, “Presbyopia hi tute tan mah pumpelh theih a ni bik lo va, khaw hmuh lama harsatna la nei ngai reng reng lo pawhin an pumpelh tak tak dawn bik lo. Mahse, kum naupang têa presbyopia kan nei tur hi chu mobile phone leh tablet rei tak tak hman ching lo ila, chu chuan min veng hle ang.

“Presbyopia hi ei leh in leh exercise hmanga ven theih a ni lo. Nitin thil hnai tak taka bih a thil ti thin te chuan insawiselna an nei thuai ang. Tunlaiah mobile phone leh tablet te kan hmang nasa a, hei vang hian corrective glass kum naupang te tein kan mamawh ta a ni,” a ti.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy