Mock drill-ah chiai lo turin ngen

Mock drill-ah chiai lo turin ngen
Vawiin, November 14 hian Mizorama district headquarters tinah chhiatna thlen thulha chet lak dan tur tih chhin a ni dawn a. Aizawlah pawh hmun 5-ah neih a ni dawn. Siren tih rik leh ambulance tlankual velah mipui chiai lo turin ngen lawk an ni.
Chawhma dar 10.00 atangin Aizawlah hian Vaivakawn, Adventist Hospital Chawnpui, Fire & Emergency Services directorate Hunthar Sairang leh DC office Aizawlah neih a ni anga; siren tihrik niin ambulance leh chhanchhuah hnathawk pawlte kawngpuiah an tlankual a ngai dawn a, lirthei tlan leh kea kalten hemi hria a, inruahman lawk leh chiai lo tura ngen an ni.
Senior SP Traffic Aizawl chuan dan tlawhchhanin, mock drill neih dawn avang hian Vaivakawn atanga Ropaiabawk thleng zing dar 9.30 atanga chawhnu dar 1.00 thleng kawng khar a ni dawn tih mipui a hriattir a. Helai huamchhung kawng dungah lirthei leh bungrua dah phal a ni lo tih a sawi.
He thil hi sawrkar laipui ruahmannaa neih niin, tuilian leh leimin thulha a kaihhnawih thawktute chet vel dan tur inzirna a ni.