Modi-an NDA-in seat 400 chuang la ang ti

Prime Minister Narendra Modi chuan south India ah BJP chu party lian ber a ni ang tia sawiin NDA alliance chuan Lok Sabha inthlan result June 4 a tihchhuah hunah seat 400 chuang kan la ang tiin a sawi bawk.
“Ram pumah strategy in ang kan hmang a ni. June 4 ah seat 400 chuang kan la ang” tiin PTI tena an interview naah a sawi a.
Modi chuan an tumpui te chuan boruak siamin BJP te chuan chhimlam State ah engmah huhang an nei lo an ti mai a ni a ti a.
“Kum 2019 inthlan kha en ula, south lamah pawh party lian ber chu BJP a ni. Ka sawi nawn leh ang tunah chhim lama party lian ber chu BJP a ni ang a, thawhpui ten seat an belh bawk ang,” tiin a sawi.
“Southern India-ah party mala lian ber kan ni ang a, inthlan hmasak ai khan seat kan hmu hnem zawk ang,” tiin a sawi bawk a.
“Mind-share lamah nasa takin kan zuang tawh a, seat share-ah pawh nasa takin hmasawnin region tinah kan zuang ang,” tiin a sawi bawk.
Southern India pumah Lok Sabha seat 131 a awm a, Lok Sabha hnuhnung ber ni mekah BJP te chuan MP 29 chhim lamah an nei pha chauh a ni.