Modi sawrkar hnathawh aupui dawn
BJP chuan kum 11 chhunga India ram tana Prime minister Modi kaihhruai sawrkar hnathawh that tlangaupui beihpui an thlak dawn.
Ningania BJP State office-a workshop neihah BJP Mizoram president Vanlalhmuaka chuan, India ram retheihna avanga dinhmun chhe taka awm tawh chu PM Modi tumruh leh thawhrim vangin kum 11 chhungin khawvel economy tha ber 4-naah India a hlangkai chu a lawmawm hle tih a sawi. Kum 11 chhunga India ram hmasawnna chanchin chu Mizoram chhungkaw tin hnena hrilhhre turin June 9-21 chhungin campaign beihpui an thlak dawn tih a sawi a ni.
Inbiak hmuh theihna hmanga workshop hmanpuitu Lok Sabha MP Kamakhya Prasad Tasa chuan BJP sawrkar PM Modi kaihhruaiin kum 11 chhunga corruption-a a hmingchhe miah lo leh India ramin hmasawnna ropui tak a nei chu thil chhinchhiah tlak tak a ni tih a sawi a. Ram puma PM scheme hrang hrang mipuiin a nihna anga an hriat theihnan “11 Years of Modi Government” hun hman chhung hian khawtin, district tinah hrilhhriat a, PM scheme kalphung leh a nihna tak Mizoram mipui hrilhhriat tam a ngai tih a sawi a ni.
Modi sawrkar hnathawh aupui dawn
Get real time updates directly on you device, subscribe now.
Next Post