Modi thlalak hal

AAP Mizoram chuan India rama democracy palzut duh lohna lantirin Zirtawpni khan Vanapa Hall kawtah Prime minister Narendra Modi thlalak an hal.
AAP Mizoram president Andrew Lalremkima chuan BJP sawrkar chu press mite lam tang loa a hriat thu sawiin, buaina nasa tak siamin an nekchep mek tih a sawi. Mipui zalenna chu nasa takin an rap bet tih sawiin, mipui chu kan rama leh sakhaw zalenna a awm zel theihna turin tanrual a ngai tih a sawi. Kan ramin hma a sawn theihna daltute chu do zel turin Mizo mipui a chah tih a sawi bawk.
AAP North East in-charge Rajesh Sharma pawhin telpuiin, PM Modi chuan India ram hi anti-democratic ramah a siam tih a sawi a. Lalna chan ringawt an duh tih sawiin, “India ram hi min then hrang mek a ni,” a ti. AAP Rajya Sabha MP Sanjay Singh-a’n Manipur tan theihtawp a chhuah laiin, PM Modi leh Adani tangdun chuan chhan nei miah loin an man tih a sawi a. Democracy leh constitution kan hum him theih nan BJP chu lungrual taka do ho vek turin mipui a sawm tih a sawi a ni.