Moldova hruaitu lawkin India lo thleng

Moldova hruaitu lawkin India lo thleng
Moldova deputy prime minister leh foreign minister ni bawk Mihail Popsoi chuan pathianni khan India lo thlengin, India ram a tlawh tumkhatna a ni.
Ministry of External Affairs thupuangtu Randhir Jaiswal chuan he thu hi sawichhuakin, Moldova deputy PM leh foreign minister ni bawkin India a tlawh hmasak berna ni bawk chu lawmawm a tih thu sawiin, India chuan lawm taka a lo mikhual thu a sawi.
A cham chhung hian India mi pawimawh hrang hrangte nen inkawmna neiin, ram pahnihten thawhhona tha zawk an neih theihna tur an sawi dawn a ni.
Kum 2023 April thla khan Moldova chuan an ramah India embassy hawn a tum thu lo puang tawhin, ram pahnihte hian inkungkaihna nghet zawk neih an duh thu an lo sawi ve ve tawh thin a, India pawhin Bucharest-a a ambassador chu Republic of Moldova-ah hian a sawn tawh bawk a ni.
Tuna Moldova hruaitu lawk lo zin pawh hian ram pahnihte inkungkaihna nghet zawk neih zual chu a thupui a ni dawn a, India chuan thawhdunna tur hrang hrang a lo siampui rin a ni bawk.