Country star East Tennessee a seilian Morgan Wallen chuan a khaw hlui thlipuiin a nuai chhawmdawl nan Morgan Wallen Foundation kaltlangin Hurricane Helene relief atan Red Cross-ah dollar 5,00,000 a thawh.
Tennessee hmun thenkhat, Goergia, Florida, Virginia leh North Carolina te chu September ni 27 khan thlipuiin a nuai a, mi 100 chuangin nunna an chan tawh a, kawngpui a chhiat avanga tlawhpawh hleihtheih loh khaw kilkhawr deuh te pawh a la awm nghe nghe a ni. National Weather Service cuan East Tennessee leh southwest Virginia-ah chuan thlipui thawh chhung hian ruahtui inches 10 chuang a tla hman niin an tarlang a, North Carolina-ah phei chuan inches 30 a tling hial a ni.
Wallen chuan niminpiah khan a Instagram story-ah, “East Tennessee-a ka chhunte an him dam a, mahse, mun tam takah mi tam tak mangang takin an awm mek tih ka hria. |awngtainaah ka hre reng a ni,” tiin a theih ang anga tanpui a tum thu a post tawh a ni.
Morgan Wallen hian a foundation din-ah a concert ticket pakhat hralhah dollar 3 zel a chhung lut thin a, chu chu kawng hrang hranga tanpui ngaite tanpui nan a theh chhuak leh thin a, 2023 pawh khan Atlanta Braves Foundation, Habitat for Humanity of Greater Nashville-ah te dollar maktaduai khat tanpui nan a lo thehchhuak tawh bawk a ni.
Morgan Wallen-a’n $5,00,000 a thawh
Get real time updates directly on you device, subscribe now.
Next Post