Morgan Wallen ‘One Thing at a Time’ kar 14 a No.1 tling ta

Morgan Wallen ‘One Thing at a Time’ kar 14 a No.1 tling ta
Morgan Wallen album ‘One Thing at a Time’ chu Billboard 200 (albums) chart-ah kar 14 a No.1 tling ta a, Adele album ’21’ hnua he chart-a No.1 ni rei thei ber a la ni. Hetihrual hian ATEEZ, Gunna leh Queens of the Stone Age te pawh top 10-ah an debut.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album tlukpui te belhkhawm thin a ni.
Morgan Wallen ‘One Thing at a Time’ hi 1,10,000 hralh lehin chart No.1 a la ni a, he chart-ah hian a zawn ni kher lovin kar 14 a No.1 tling ta. He album hi March thla laihawl khan chart No.1 a rawn ni a, a zawnin kar 12 chhung a No.1 hnuah kar hnih chhung No.1 atangin a tawlh a, tunah chuan a zawnin kar hnih chhung chart-ah a No.1 leh ta a ni.
One Thing at a Time hi 1,03,000 chu streaming atanga album hralhna tlukpui (on-demand official stream maktaduai 139.04) niin, album tak tak hralh zat chu 4,500 a ni a, album-a hla mal hralhna atangin 2,000 a tling thei bawk.
Korean pop act ATEEZ album thar ‘The World EP.2: Outlaw’ chu 1,05,000 hralhin No.2-ah a debut a, chung zinga 1,01,000 chu album tak tak hralhna niin, streaming atangin 4,500 (on-demand official stream maktaduai 6.32) niin, album-a hla mal hralhna atanga album tlukpui erawh chhiar tham a awm lo.
Member pariat awmna ATEEZ hiam Billboard 200 chart-a top 10 kai thei album pathum an nei ta a, an album hmasa Spin Off: From the Witness chu January thla khan No.7 a kai a, The World EP.1: Movement chu 2022 khan No.3 a kai tawh bawk.
Gunna album thar ‘A Gift & A Curse’ chu 85,000 hralhin No.3-ah a debut a, chung zinga 84,000 chu streaming atanga album tlukpui (on-demand official stream maktaduai 112,65) niin, album tak tak hralh zat chu 1,000 a ni a, album-a hla mal hralhna chu chhiar tham a ni lo.
Chart No.1 hlui Taylor Swift ‘Midnights’ chu 60,000 hralh lehin No.4 a la ni a, chart No.1 hlui bawk SZA ‘SOS’ chu 48,000 hralh lehin No.8 atangin No.5 a kai thar leh a, chart No.1 hlui bawk Morgan Wallen ‘Dangerous: The Double Album’ chu 46,000 hralhin No.9 atangin No.6-ah a insawn a,Metro Boomin ‘Spoder-Man: Across the Spider-Verse’ soundtrack chu 42,000 hralhin No.5 atangin No.7-ah a tawlh a, Lil Durk ‘Almost Healed’ chu 41,000 hralh lehin No.7 atangin No.8-ah a tawlh ve ta bawk.
Queens of the Stone Age album thar ‘In Times New Roman’ chu 40,000 hralhin No.9-ah a debut a, an group album he chart top 10-a lang thei palina a ni.
Top 10 khartu chu chart No.1 hlui Taylor Swift ‘Lover’ niin, 40,000 hralh lehin No.10-ah bawk a la awm.