MoU siampui tur zirchiang
Empowred Committee on Investment leh sawm bikte chu chief minister Lalduhoma hoin Ningani khan an thukhawm a, company thawhpui tur ho an zirchiang.
Tunhmain sawrkar lam chan chhe tur sa rana company-te nen MoU ziah a awm tawh thin a. Sawrkarin sum a chawi foa, bantir (terminate) duh pawha ban hleihtheih loh MoU pawh a awm tih chief minister hian a sawi. Hetianga sawrkar lam chan chhe sa rana MoU ziah hi an sawrkarah chuan awm tawh lo se an duh a. Sawrkarin a chhiatpui loh tur, an duh dana MoU an ziahpui theih chauh inremna siampui a, a thei lo chu ziahpui loh mai chu an rilru a ni tih a sawi.
Company-te zirchianna report a nih hnu ah sawiho a ni a. Committee hian June 11 khan sawhthing leh thlai dang processing unit din duh company pathum draft memorandum of understanding endiktu tur a ruat a. Company-te draft MoU hi sawrkar tan pawm vek theih a nih hmel loh avangin sawrkar duh dan chiang taka tarlanna (expression of interest) siam nise, company-te hi hriattir thuai nise, a tul chuan company dang pawh hriattir nise, an ti.
Mizoram Industrial & Investment Policy thlirho a ni bawk.
Get real time updates directly on you device, subscribe now.