Mourinho chunga hremna tihniam

Mourinho chunga hremna tihniam
Turkey khawpui Istanbul-a Super Lig match pakhata Fenerbahce leh Galatasaray inhnehtawk tumin Fenerbahce coach Jose Mourinho chu Turkish match official-te laka tawngkam a thlahdah avangin Turkish Football Federation (TFF) chuan sum thahnem tak chawi tura a tih bakah match li chhung tehreng khelmual sir atanga a pawlte inkhel vil thei lo turin a hrem a, a chunga hremna tla chu club lamin a khinlet hnuah match li hremna chu match hniha tihhniamsak a ni.
Goal awm loa Istanbul derby a zawh hnu press conference-ah Mourinho chuan match official-te sawiselin, Turkish referee-te demna a auchhuahpui leh a, TFF chuan kum 62-a upa Portuguese hi Turkish lira maktaduai 1.6(USD 43,963.89) zet chawi turin a hrem a, hei pawh hi Turkish lira 558,500-a tihhniam a ni tel bawk.
Karliamta Thawhtannia inkhel hamtu kha foreign referee Slavko Vincic niin, amah kha Slovenian a ni a, ramdang miin an inkhel kha ham lo phei se la chuan an club tan chhiatna thleng thei a nih thu inkhelh banah sawiin, Turkey ramah hian Turkish referee-te a sawisel avangin hremna pawh a lo tawk tawh a, tunah hremna na zawk an pe leh ta a ni.
Club lam khinletnain awmzia a neih tak avangin Portuguese manager hian March ni 16 Fenerbahce Super Lig match-a Samsunspor an tum hunah a hna ngai a chhunzawm leh thei dawn a ni.