MP-in KMTTP kawng sial a tlawh
Mizoram chhim tawp leh Bay of Bengal inkalpawhna tur kawngpui sial mek – Kaladan Multimodal Transit Transport Project (KMTTP) road chu Ningani khan Rajya Sabha MP K Vanlalvena chuan a tlawh a. Zorinpuia Assam Rifles Camp-ah an lut hmasa a, Myanmar ram chhunga Arakan Army camp-ah tlawh lehin, contractor-te kawngpui an endik zui a ni.
Zorinpui atanga Paletwa inkar kawngpui sial mek hi ramri atanga Myanmar ram chhung km.8 a thui chu MP leh a hote hian an tlawh a. He kawng laih mek hna thawktu IRCON Company deputy manager leh an hnuaia hna thawktu, Myanmar sub-contractor te nen inkawmin kawng laih hna hi beisei aia a muan thu leh chak thei ang bera thawh a tul thu a sawipui. Arakan Army hotute hnenah pawh he kawng laih mek hi zawh a nih hunah chuan kan zavaia chhawr tangkai tur a nih avangin hnathawktute tawiawm turin a ngen bawk.
Contractor-te chuan tun atang chuan chak taka hna thawh a nih tawh tur thu Rajya Sabha MP hi an an lo hrilh a. Arakan Army hotute pawhin kawng siamtute tana harsatna an siam dawn loh bakah a tul dan azir zelin venhimna an pek zawk tur thu an lo hrilh.
Rajya Sabha MP hi Lai Autonomous District Council- a executive member pahnih – Rongura leh Apetaw Lallawmsanga te bakah Central Young Lai Association hruaituten an tawiawm a ni.
KMTTP road:
8 Sawrkar laipui Ministry of External Affairs hnuaia thawh mek KMMTTP Road project chi li a then theih a ni.
8 Pakhatna chu, Chhimtuipui lui chhuah Tuifinriat kama lawng chawlhhmun khua Sittwe Sea port siamthat hna a ni a, chu chu thawh zawh tawh niin nikum May khan Union minister Sarbananda Sonowal chuan a hawng tawh.
8 Pahnihna chu, Sittwe leh Paletwa inkar Chhimtuipui lui dung km.158 a thui lawng zawh theih tura siam hna a ni a, hei pawh hi thawh zawh tawh a ni.
8 Pathumna chu, Paletwa leh Zorinpui inkar km.106 a thui motor kawngpui laih hna a ni a. He kawngpui laih hna bik hi a muang a, a theih anga chaka nawr hmanhmawh a tul tih Rajya Sabha MP hian a sawi.
8 Palina chu, Mizoram chhung Lawngtlai to Zorinpui km.94 a thui niin, hei hi zawh thawkhat tawh a ni a. Kawng laih zawh tawh hmun engemawzatah leivung tawlhin harsatna a la siam thung.
MP-in KMTTP kawng sial a tlawh
Get real time updates directly on you device, subscribe now.
Prev Post