MP inthlan campaign turu hle

November 17-a inthlang tur Madhya Pradesh chu inhnehtawk taka ruling BJP leh Opposition Congress te inbeihna tura ngaih niin chak zawk nih an tumnaah campaign turu tak kalpui a ni a. B JP te chuan an top leader ten rally 634 an nei a, Congress ten 350 an nei bawk.
BJP te chu Prime Minister Narendra Modi kaihhruaiin campaign a fehchhuak zingah BJP chief JP Nadda, Union Home Minister Amit Shah, Defence Minister Rajnath Singh leh Uttar Pradesh Chief Minister Yogi Adityanath te pawh an tel a ni.
Congress speaker zingah party chief Mallikarjun Kharge, leh unau Rahul Gandhi leh Priyanka Gandhi Vadra bakahd senior leaders KC Venugopal leh Randeep Singh Surjewala te pawh an tel.
State leader te pawh party pahnih tan hian an thawk rim hle a. Chief Minister nilai Shivraj Singh Chouhan leh Congress chhuantawlawl Kamal nath te pawhin rally za chuang an nei a ni.
Prime Minisetr Modi ringawt pawhin rally 15 a nei a, chungah te chuan double engine government chu sawi berah a nei a. Hmun pawimawha ngaih Ratlam, Seoni, Khandwa, Sidhi, Damoh, Muraina, Guna, Satna, Chhatarpur, Neemuch, Barwani, Indore, Betul, Shajapur leh Jhabua-ah te pawh a nei a ni.
Home Minister Shah chuan 21 rally a nei thung a. Chung a neihna te chu Bhopal, Jabalpur, Khajuraho leh Gwalior te pawh a tel a. JP Nadda an rally 14 nei thungin Rajnath Singh chuan 12 poll meetings a nei thung a. Yogi Adityanath leh Himanta Biswa Sarma, BJP-rorelna Uttar Pradesh leh Assam chief minister te pawhin rally an nei bawk.
State leader zingah Chouhan an rally 165 a nei a State pum a tuamchhuak thung a. “Helicopter ka chhuahsan rualin ka tlan a, ka luh dawn pawhin ka tlan lut a. Tichung chuan rally 165 chauh ka nei hman,” tiin a sawi.
Union Civil Aviation Minister Jyotiraditya Scindia, Congress leader hlui leh royal Scindia family member ni bawk pawhin meeting 80 vel a nei bawk a. Heng meeting-ah te hian a sawi ber chu Congress a tel tawhna sawisel leh BJP hlawhtlinna tarlan a ni thung.
Congress tan Kharge, Rahul Gandhi, Priyanka Gandhi Vadra leh Sachin Pilot te chu hruaitu lar ber ber an ni a. Congress chief in rally kua a neih laiin Gandhi unau chuan poll meeting 11 an nei thung.
Gandhi Vadra chuan rally a neihnaah Scindia chu sawiselin ‘phatsantu’ tia sawiin mipuite thlan nihna pawh phatsantu a ti bawk a. Datia, Madhya Pradesh a thusawina a neihah Priyanka chuan, “Scindia nen hian UP ah kan thawk dun tawh a. A pa te deuhnaa a invaivung a ni,” tiin a sawi.
“Worker a bula hnathawk tawh te chuan Maharaja tia kan koh phawt a ngai a, chutianga kan koh hmasak loh chuan kan duh min tihsak ngai lo an ti bawk a. An family tradition a zawm tha a. Mi tam tak a phatsan a, Gwalior leh Chamba mipuite phatsanin sorkar a tithlu a ni” tiin a sawi bawk a. Hei hi Scindia royal family tena 1857 rebellion laia British an thlawpna chungchang a sawi a ni.