Mizoram tualchhunga Football club te inelna ngaihhlut hlawh leh dum tamna ber chu Mizoram Premier League (MPL) a ni. MPL hi hlawh tling takin season 10 neih zawh tawh a ni a. Zanin, October 15, Thawhleh zan hian MPL 11 hmawrbawk a ni dawn a. Final-ah Aizawl FC leh Mizoram Police FC an inhmachhawn dawn.
Mizoram a I League club awmchhun Aizawl FC hi MPL a club hlawhtling ber an ni a, vawi li an champion tawh. AFC hi kum 2014-15 khan a vawi khat nan an champion a, 2015-16-ah an champion zui leh. kum hnih an awl hnuin kum 2018-19-ah an champion am kum 2019-20-ah an champion zui leh nghal bawk. Kum hnih champion lovin an awl leh ta a. Tun hi a n champion kum a ni leh mai thei.
Aizawl FC hi MPL-ah League champion nia champion Shield la hmasa ber an ni a. MPL League round-ah tlawm nei lova champion thei hmasa ber leh MPL League round a goal thun hnem ber an ni bawk. MPL season kal mekah tlawm an la nei lova, League round, play-off semi-final leh final ah tlawm nei lova champion turin vawi khat chak chiah an mamawh tawh a, zaninah chu chu tih hlawhtlin a n tum ang.
Mizoram Police FC hi MPL champion lai an ni a, I Day champion lai an ni bawk. Final boruak sang an ngam viau thin. MPL a an hneh loh Aizawl FC hi I Day final-ah an lo hneh tawh a. MPL final ah hneh nawnin, champion nawn ngei an tum ang.
MPL 11 hmawrbawk a ni dawn ta
Get real time updates directly on you device, subscribe now.
Prev Post
Next Post