Mpox vangin African sang chuang boral tawh

Mpox vangin African sang chuang boral tawh
African Union health agency chuan ningani khan Africa khawmualpuiah mpox vangin mi 1,100 chuangin nunna an chan tawh tih an sawi.
AU hian theihtawp chhuahin he natna hi tihbo tum nimahse, hmasawn erawh a la har hle, an ti a. Mpox chu an tan natna huatawm tak a nih mek thu an sawi bawk.
January thla atanga Africa Centres for Disease Control and Prevention (Africa CDC) in a chhinchhiah danin Africa khawmualpuiah hian mi 42,000 chuang mpox natna vei hi an awm tawh a, he natna vei an chhinchhiah hmasak ber chu Zambia leh Zimbabwe ramte an ni.
Tunah erawh ram 18 chuangin he natna hi an buaipui tawh a, a luhchilh thuk tawh hle nia sawi niin, Africa CDC hotu Jean Kaseya chuan, ‘Mpox hi kan la thunun thei rih ngang lo a ni, kan theihtawp erawh kan chhuah zel,’ a ti.
Mpox natna hi a darh chak zel a, khawvel ram hrang hrangte pawhin an rama a len loh nan inralrinna dar an vaw ve zel a, ramdang atanga khualzin lut leh chhuakte chu endikna hmangin an endik mek zel bawk a ni.