MRB-in an kum 40-na lawm

Mizoram Rural Bank chuan nimin tlai dar 5 khan an Bank din kum 40 na (Ruby Jubilee) chu an Head Office Auditorium, MINECO-ah lawmna hun an hmang.
Mizoram Rural Bank hi ni 27, September 1983 khan din a ni a, kumin hi an kum 40 na (Ruby Jubilee) niin hemi pual hian nikum lam atangin a lawmna an lo kalpui tan tawh a. Chung zingah chuan Logo leh Slogan intihsiakna te, Customer tha chawimawinate leh Ruby Jubilee Term Deposit te siam a ni a. Nimin khan Mizoram puma Branch hrang hrangte pawhin anmahni dawrtute tan theitui leh chhangte an lo chhawp sak a. District capital hrang hrangten an remchan ang theuhvin Day lawmna hi an buatsaih a. Day lawmna pui ber hi MRB Head Office Auditorium, MINECO ah neih niin he hunah hian MRB a Mizo zinga Chairman lo ni tawhte pawhin an telpui a. He hunah hian MRB Chairman Pi Sheryl L. Vanchhawng chuan Mizoram Rural Bank customer te tan Platinum Card chu a tlangzarh a. SBI Lige kaltlanga insurance a titha zual Branch te hnenah lawmman pek niin, Central Sawrkar flagship programme PMSvanidhi a loan hmang tha zual mi 5 te chu lawmpuina pek an ni bawk.
Hemi ni vek hian Mizoram Rural Bank Staff Association (MRBSA) te chuan Ruby Jubilee pualin, luanchhuahna Thutak Nunpuitu Team (TNT) Zuangtuiah leh Motherless Baby Home, Khatlaah te an nei a. TNT ah hian thilpek Rs. 1,50,000( Nuai khat singnga) man hu an mamawh hengte hi an pe a:
Tel Case – 60 Case
Alu – 10 Bags
Nutrela – 10 bags
Dal – 5 Bags
Aieng – 400 pack
Purunsen – 50kgs
Soft Cake – 400 Nos
Slice Drink – 400 Nos
Sahbawn -150 Nos
Motherless Baby Home Khatlaah hian Pawisa fai Rs. 50,000 (Cheng Sinnga) hlan anni bawk.
MRB hian tunah hian Head Office 1, Regional Office 2 leh Branch 102 neiin, thawktu mi 470 an awm mek a ni. MRB chuan anmahni dawrtute zawng zawng chungah lawmthu a sawi a ni.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More