MRMC-a rawtna lut en ho

MRMC-a rawtna lut en ho
Mizoram Resource Mobilization Committee (MRMC) chu an chairman, chief minister Lalduhoma hoin Nilaini khan an thukhawm a. Sawrkarin an rawtna a bawhzui tawh chin leh Sub Committee atanga rawtna lut thar an thlirho.
MRMC Sub Committee pali atanga rawtna lut an enho zingah Commerce & Industry department kaltlanga hmalakna tur pathum, Taxation department kaltlanga hmalakna tur pathum leh Land Revenue & Settlement department hnuaia hmalakna tur pathum bakah DP&AR kaihhruaina hnuaia department inspection neih dan tur, chak zawka MRMC rawtna tihpuitlinna tur pawimawh a tel bawk.