MSCW chairperson ruat thar

MSCW chairperson ruat thar
Mizoram sawrkar chuan State Commission for Women chairperson atan C Zodinpuii d/o Lalrinliana (L) Durtlang Aizawl a ruat.
Mizoram State Commission for Women chairperson atana sawrkarin a ruat hmasak C Lalchhandami chu he hna a chelh atang hian a ban avang leh sawrkarin a banna hi a pawm avangin a hmunruak luah tur hi sawrkarin a zawng leh a. C Zodinpuii hi thlan a ni.
Thiamna lamah master of social work (Family & Child Welfare Specialization) niin TATA Institute of Social Sciences Mumbai atanga zir chhuak a ni. Sawrkar hna a thawh laiin Social Welfare department hnuaiah hna hrang hrang – case worker, Remand Home superintendent, Residential Institute Training Centre (RITC) Durtlang ah te awm tawhin, Directorate of Social Welfare & Tribal Affairs-ah joint director-in 2023 December 31 khan a pension a ni.
Protection of Women from Domestic Violence Act 2005 ah master trainer a nih bakah protection officer-in a awm tawh bawk.