MSL 11 – Super Saturday Night!

MSL 11 – Super Saturday Night!
Zanin hian Mizoram Super League 11 semi finals leh relegation match chhawpchhuahin a awm leh dawn a, finals lut thei dinhmunah Khatla TBL an ding a; Saron BC player pawimawh Mala inhliam avangin King Revolution khelhna Chhinga Veng BC lam tan pawh MSL a inhamtan theihna kawng a inhawng zau hretin a lang.
Semi Finals
MSL 11-ah player hmuhnawm chungchuang D. Johnson damsam loh avangin Khatla TBL tan MSV Hotshots game -1a an hmachhawn tum khan an nemin an pan hret a, semi finals game 1-ah 82 – 66 zetin TBL lam hi an chak.
Khatla TBL hi tun dinhmunah chuan MSL 11 ah hian an finals kal kawng a mam riau. An squad chhah tha lutuk leh tawnhriat ngah an head coach Mapuia kianga Richard Lalropuia awm hi thlamuanna tham a ni – the yellow stars hi fans ngah an nih bawkna hi champion an tumna kawngah hian awmzia a nei hle.
MSV Hotshots erawh an tualchhung tlangvalten league round lama an fighting spirit kha game 2-ah hian an chhawm nung zui chuan pressure nei lem lovin an khel leh ang a, an hnam dang player pahnih hian barakhaih boruak an lo pai bawk nen, zuam sual an awl zia an lo phochhuah tawh kha.
Relegation Battle
Aizawl East II Derby match hi a hmuhnawm zia chu an khelh tak game pahnih kha en let leh ngat teh. Game 1-ah Saron BC in Chhinga Veng BC hi point 1 in an hneh a; game 2-ah erawh Gujarat val Patel-a hovin Chhinga Veng hian point 2 in an hneh let ve thung.
Zanin tlai hian he veng inthenawm te hi bukin an awm dawn a, thlah leh chelh beh inkar a nih tawh dawn miau avangin chak tuma an inel leh inep tur hi hmaih chi a ni lovang.
Defense lama CVBC tan Dede-a tangkai zia leh Saron BC tan Ramdinfela pawimawh zia kan hmu ngun ta, zanin hian anni pahnih hi mipui mit fuk rawnna tur a ni ang.
Inkhel turte:

1. Chhinga Veng BC Vs Saron BC (5:30 pm)
2. MSV Hotshots Vs Khatla TBL (8:30 pm)