MSSTA-in CM sawipui

Thawntanni khan Mizoram SSA Teachers Association (MSSTA) hruaitute chuan an pawl mamawh leh danin a remtih sak ang ngeia an hmuh theihna a nih beiseiin chief minister Zoramthanga a office-ah an hmu.
MNF Gen. Hqrs. thuchhuah danin, MSSTA hruaitute chuan an chanvo danin a remtihsak chan ngei tum a, Gauhati High Court Aizawl Bench-ah sawrkar khinna an lo thehluh tawh thu te, court thuchhuak hian post creation/ regular vacant post/ regularitions scheme siamsak tura sawrkar a hriattir tawh thu te an sawi a. RTE Act-in chanvo a pek leh National Health Mission leh centrally sponsored scheme hnuaia thawktu hrang hrangte nen an kalphung a inpersan thute an thlen bawk.
Court case chungchanga file kal mek chu sawrkarin judgement order appeal turin thuthlukna siam ni tawh mah se, chief minister hmalakna avanga khinlet lo tura tawngkaa instruction an dawn thu leh, hemi avanga an lawm thu CM hnenah hian an thlen a ni.
Chief minister chuan an thuthlente a hriatthiampui thu a lo hrilh a. Tun dinhmunah hma lak mai theih a nih loh thu sawiin, sawrkar tharah cabinet meeting thuthlukna lo siam tawh anga a chak thei ang bera hma lak a nih tur thu a lo hrilh.