MTB Moopin ah Mesak-a chungnung ber
India rama nikhat awh thirsakawr intlansiak (one-day cross country marathon) thui ber, Arunachal Pradesh a MTB Moopin 3.00 ah Mizo cyclist Mesak Vanlalvena chu Men’s Elite category, kilometre 250 a thui intlansiakah pakhat a ni.
Mizoram Cycling Association (MiCA) in Mizoram a thirsakawr intlansiak a buatsaih hrang hranga lawmman pakhatna la fo tu Sihfa tlangval Mesaka hian darkar 14 leh minute 4 chhungin kawng thui hi a tlan chhuak a, Mizo cyclist dang Laldintluanga chu 3 na niin darkar 15 leh minute 19 chhungin a thleng ve thung a ni.
Junior category, kum 17 hnuailam inelna, kilometre 112 a thui intlansiaknaah Vanlalruata chu 2 na niin darkar 5 leh minute 46 chhungin a tlan thleng a ni.
MTB Moopin ah hian Mizoram atangin MiCA Executive Committee member Michael Laldinsanga Ralte hovin cyclist 7 an tel a, nikum lamah pawh Mizo cyclist te hian he intlansiakah hian hlawhtlinna changin lawmman an lo dawng tawh a ni.
MTB Moopin ah Mesak-a chungnung ber
Get real time updates directly on you device, subscribe now.
Prev Post
Next Post