Mizo Theological Association (MTA) chuan ‘Kristianna leh Hnam Nunphung’ tih thupui hmangin Inrinni khan Aizawlah seminar a buatsaih.
Seminar hi session hniha then niin, chawhma hunah Mizoram Synod executive secretary Rev Dr K Lallawmzuala’n thupui a sawi hawng a; Upa Laltlankima Hnamler, Serving in Mission (SIM) paper ziah “Kristianna leh Hnam Nunphung: Bible leh Pathian thu atanga thlirna” tih chu zir ho a ni.
Chawhnu hunah MTA president Rev Dr Rosiamliana Tochhawng chuan thuchah a sawi a. ATC associate professor Rev Dr K Lalchhuanawma paper ziah “Tunlai India ram dinhmun thlira Kristianna leh hnam nunphung kalpui dan tur” tih zir ho a ni bawk.
MTA hi kohhran inpumkhatna atana hma latu pawimawh a ni a. Kumtin seminar hi a buatsaih thin a ni. Seminar chhim hian NGO hrang hrang, theological college atangte leh sawm bik mi engemawzat an tel a ni.
MTH-in seminar buatsaih
Get real time updates directly on you device, subscribe now.
Next Post