MUHCS-ah a tira zawm damdawi in nen inbe zel – Health minister

MUHCS-ah a tira zawm
damdawi in nen inbe zel
– Health minister
Mizoram Universal Health Care Scheme (MUHCS) zawm rih lo damdawi in zingah, an zawm dan dapin an inbe mek a, zawm thar tur pawh an awm tih Health minister Lalrinpuii chuan a sawi.
Health &Family Welfare minister chuan sawrkarin MUHCS chu mipui tana duan a nih ang leh mi zawng zawng huapzo leh chhungkaw harsa tak tak pawhin an tangkaipui avangin inziaklut an tam zel a, hospital zingah a tira he scheme zawm lo te nen pawh inbe zelin, a then chuan an zawm tharin, an inbiak pui mek tpawh an awm tih a sawi a ni.
Sawrkar damdawi in, health & wellness centre leh sub centre-a thawktute chu mipui, anmahni pantute hnenah MUHCS-a inziaklut tura lo hrilh zel turin a chah a. Khawsak harsatna avanga inziahluhna tur nei lo pawh awm theih a nih avangin hetiang hi bialtu MLA hnenah emaw thlen hreh lo turin khawtlang hruaitute pawh a chah a ni.
Health department hotute sawi danin, MUHCS-a empanelled hospital ni lo, RN Tagore Hospital Kolkata chu tunhnai khan he scheme zawm tur hian thuthlung ziahpui thar an ni.