MUHCS-ah khawngaihna hun hawng

Mizoram Universal Healthcare Scheme (MUHCS) a la inziaklut lo, inziaklut duh tan sawrkar chuan August 1 atang khan hun a hawng leh tan a, tun thla chhung hawn a ni.

MUHCS-a inziahluh hun hi kumin April atanga June thleng khan hawn a ni a. Hemi chhunga inziaklut ve lo tan khawngaihna hun ‘grace period’ hawn niin, August thla chhung hian inziahluh theih a ni. Chutihlaiin ‘late fee’ chawi a ngai dawn a, a hmaa inziahluhna man aia zaa 50-a sang chawi a ngai dawn.
General plan Rs. 2500 chu Rs. 5000 a inziahluh a ngai a, standard plan Rs. 5000 chu Rs. 10000 a ni ang. Premium plan Rs. 10000 pawh Rs. 20000 a ngai dawn a ni.
MUHCS hnuaiah hian tun thlengin general plan-ah chhungkaw 16103 an inziaklut a, standard-ah chhungkaw 1423, premium-ah chhungkaw 768, a vaiin chhungkaw 18294 an inziaklut tawh a ni.
MUHCS-ah hian Health department-in district a then danah chuan Aizawl East, Aizawl West, Champhai, Kolasib, Lawngtlai, Lunglei, Mamit, Serchhip leh Siaha district atangin inziaklut an awm a ni.
Mizoram State Health Care Society chuan MUHCS zawmtu sawrkar damdawi 61-a damlo enkawlna senso cheng vaibelchhe 1.90 a pe chhuak a. Hemi nen hian MUHCS hman a nih hnua he scheme hnuaia inziaklut mi 23419-te ininenkawlna senso tun thlenga a pek tawh chu cheng vaibelchhe 30.8 a ni.