MUHCS zawm leh zawm loh SEC kutah

Mizoram Synod hnuaia damdawi in pahnih chuan sawrkarin health care scheme thar a duan an pawm leh pawm loh chu Synod Executive Committee-in a ngaihtuah dawn nia sawi a ni.
Thudawn danin, Mizoram Universal Health Care Scheme (MUHCS) hi Synod damdawi in – Durtlang Hospital leh John Williams Hospital Lunglei chuan private damdawi in dang thenkhat nen an la zawm ve loa, MUHCS an zawm dawn leh dawn loh chungchang hi SEC-in a ngaihtuah dawn a ni.
Hetihlai hian tunhnaiah sawrkar damdawi in ni lo pathumin MUHCS an zawm thar a. Faith Hospital Lunglei leh DM Hospital Champhai nen sawrkar chuan thawhdunna thuthlung (MoU) tunhnaiah an ziak a, Nazareth Hospital Ramhlun North-in MUHCS zawm an duh thu sawrkarin a dawng leh tawh tih Health department hotute chuan an sawi.
Health department hotute chuan Aizawl pawnlamah private/kohhran damdawi in zingah hospital pathum vel chauh MUHCS la zawm lo an awm tih an sawi a ni.