Mumbai in chhawng kangah hmeichhe pahnih thi

Mumbai in chhawng kangah hmeichhe pahnih thi
Pathianni tuk khan Mumbai-a in chhawng 11-a sanga kang mei chhuakah hmeichhe pahnih an thi a, mi dang pahnih chu meikhu an hip luh nasat avangin enkawl ngaiin an awm bawk tih kang thelhtuten an sawi.
Kangmei hi zing dar 6.11-a Panna Ali Mansion building, Masjid Bandar, Mumbai chhim lama chhuak a ni tih kang thelh hotuin a sawi.
Mei hi electric wiring leh meter meter box intawm dahna hmun laia kang deuh bik a ni a, electric hrui chakte chu in chhuatah a tla darh nasa hle tih a sawi bawk.
Chhawng khatnaa pindan pakhata awm dun hmeichhe pahnih chu a kut leh ke-ah hliam an tuar a, meikhu an hip luh nasat lutuk avangin enkawl an ngai bawk.
Sabila Khatun Shaikh (42) leh Sajiya Alam Sheikh (30) te hi damdawi inah lak an ni a, a hnuah an thi tih an puang zui a ni.
In chhawng ruknaa mipa leh chhawng riatnaa hmeichhia pawh meikhu hip luh nasat lutuk avang hian enkawl ngaiin an awm bawk.
Karim Shaikh (20) leh Shahin Shaikh (22) te hi sorkar damdawi in, J J Hospital-ah lak nghal an ni a, an dinhmun a tha a, ngaihtuahawm an ni lo.
Kangmei hi zing dar 6.31-ah thelh mih theih a ni a, a kan chhan hriat a ni rih lo.