Munich Open champion kutah BMW car chahbi
Pathianni khan Munich Open final-ah tualchhung tlangval Alexander Zverev chuan 6-2, 6-4-a Ben Shelton hnehin trophy bakah BMW car dum nalh zet a dawng tel.
Zverev hi kum 2022 khan a career tana pawi tham khawpa hlauhawm kheimit hliamin a tlakbuak a, a rawn ropui chhoh dawn lai takin hun rei tak a bawksawp zui ta tlat a, tun hnehna pawh kha season kal laia a title pakhatna chauh a la ni.
Bavaria-a Zverev a champion laiin ATP ranking lama a elpui lian Carlos Alcaraz erawh Barcelona final-ah a tlawm thung a, Spaniard chak loh hi hlawkpuiin German Zverev chuan Alcaraz lehpelin world ranking tharah pahnihna a luah chho.
A lawmna tizual turin a piancham vawi 28-na lawm chungin Zverev BMW car dum tle zak khalh haw theihna chabi a dawng tel a, hliam vanga a lungngaihna leh hlauhthawnna pawhin a kiansan leh ta rih niin a lang!
German star hian men’s tour-ah title 24 hlawhchhuak tawhin, chu’ng zinga paruk chu an ram chhung tournament tanga a hui a ni nghe nghe.
Munich Open champion kutah BMW car chahbi
Get real time updates directly on you device, subscribe now.
Prev Post
Next Post